Bertsozale elkarteak gonbidatuta, Zenbat Gara elkarteak seigarren saridunari oroigarria eman zion igandean, BECen ospatu zen Bertsolari Txapelketa Nagusiaren finalean. Alain Urrutia artistak berariaz sortutako koadroa eman zion Unai Iturriagari gure elkarteko ordezkari Isabel Isazelaiak, guretzako ere oso berezia zen egunean. Eskerrak eman nahi dizkiogu guk Bertsozale Elkarteari gonbitagatik, eta zorionak finalaren antolaketagatik, igandean den-dena ondo atera zelako. Benetan itzela izan zen elkarteko kideen lana. Biba zuek!
Utzi erantzuna