Go to Top

Beste

Azaroaren 11n greba egingo dugu, etxebizitza eskubidearen alde

Zenbat Gara elkartean 2026ko azaroaren 11ko greba orokorrarekin bat egingo dugu. Egun horretan, etxebizitza duina eskuratzeko eskubidea aldarrikatuko dugu; espekulazioari aurre egin eta langileen bizi-baldintzak hobetzea; eta oldarraldi erreakzionarioari aurre egitea ere aldarrikatuko dugu, lan, etxebizitza, zein hizkuntza eskubideak deuseztatzeko epaitegiak tresna moduan erabiltzen dituena. Modu honetan, “etxebizitza eskubidea bermatzeko, espekulaziorik ez!” lelopean eratu den Euskal Herriko eragile sozial eta sindikalen deialdiari erantzunez, gure alea jarriko dugu etxebizitza duina izatea …Read More

Biharko grebarekin bat egiten dugu

Martxoaren 17an, “Gutxieneko soldata hemen erabaki. LGS 1500€. Soldatak hobetu aberastasuna banatzeko” lelopean, euskal gehiengo sindikalak deitutako grebarekin bat dator Zenbat Gara elkartea, eta mobilizazioekin bat egingo dugu. Ezinbestekoa deritzogu gutxieneko soldata berton erabakitzeari.

Ekuadorreko kitxua eta Kanadako cree hiztunak gurean

Ekuadorretik etorritako kitxua hiztun taldea hurbildu zaigu irratira, Garabide elkartearen eskutik. Hizkuntzaren biziberritze lanetan dabiltzan ekintzaileak dira, euskaldunon esperientziatik ikasi nahi dutenak eta, besteak beste, Bilbon egin dute geldialdi bat, Zenbat Garan zer eta nola egiten den ikasteko. Garabideko Joanes Igeregik azaldu dizkigu talde honen nondik-norakoak, quechua eta kitxua artean dauden ezberdintasunez jardun dugu eta haien asmoak zeintzuk diren azaldu digu. Ondoren, euretako bakoitzak bere burua aurkeztu du, kitxueraz eta …Read More

“Ombuaren itzala” filmaren proiekzioa eta solasaldia Bihar Kafe Antzokian

Pello Mari Otaño bertsolariaren bizitzan oinarritutako Ombuaren itzala filma zuzendu du Patxi Biskert aktoreak, eta, azkenik Bilbon ikusteko aukera izango dugu 19:00etan Kafe Antzokian izango den emanaldian, (sarrera 3 euro). Auzolanean eta, besteak beste, Zenbat Gara elkartearen babesarekin ekoitzitako filma ikusteko eta, ondoren, Patxi Bisquert zuzendariarekin solastatzeko aukera izango dugu bihar. Zizurkilgo bertsolari eta olerkari handia, XIX. mendearen amaieran Argentinara joan zen gerra ihesi. Han, gautxoekin bizi eta bertako poesia …Read More

Sant Jordi egunez, Kataluniako letrak eta musika gurean

Bilbon diren bi katalan talde bildu dira bihar, Sant Jordi eguna dela bide, Kataluniako letrak eta musika gurera ekartzeko. Casal Bilbao eta Jaia eta Xerinola taldeek atzo aurkeztu zuten Kafe Antzokian biharko prestatu duten egitaraua. Zenbat Gararen laguntza izan dute egitaraua prestatzeko eta aurkezteko. Liburuak eguneko protagonista izanik, Albia inguruan izango den liburu-azokan izango duten erakustokian kataluniako liburuak izango dituzte salgai. Gainera, aste osoan, “Katalan literaturaren hamabi liburu nagusi” erakusketa …Read More

“Keinuka mugaz gaindi” filmaren crowdfunding proiektua abian

Kurkuluxetan elkarteak, Kubako eta Euskal Herriko 20 eskolarekin batera, giza balioei buruzko filma egiteko Keinuka mugaz gaindi – Un guiño, un sueño izeneko proiektua jarri du abian. Balio horiek gutxiesten diren mundu honetan, guztion artean mundu justu eta solidarioago baten aldeko apustua egin nahi dute egitasmo horren bidez. Egitasmo hori burutu ahal izateko, urriaren 16tik aurrera, Internet bidezko crowdfunding kanpainia jarriko dute abian. Filmaren protagonistak haurrak izango dira. Kurkuluxetan elkarteak …Read More

Zinema ikusezinarekin lankidetza

Urriaren 3an, osteguna, Zinema Ikusezina Jaialdiaren 5. edizioaren bukaera jaia ospatuko da Bilboko Alondegian 19:30ean,  Kultura Communication y Desarrollo “KCD”  Garapenerako Lankidetzako Gobernuz Kanpoko Erakundeak antolatuta. KCDk gizarte eta kultur komunikazioa garapenerako tresna gisa sustatzea du helburu, eta Zinema Ikusezinaren bidez film sozialak bultzatu nahi ditu. Zenbat Gara kultur elkarteak ere parte hartu nahi du jaialdi honetan, eta ostegunean emango diren 8 sarietako bat Kafe Antzokiak emango du, Euskarazko ikus-entzunezko lan sozialari …Read More

Diada eguneko bideoa

Irailaren 11n, iragarri bezala, Diada eguna ospatu genuen Bilbon bizi diren katalanekin. Albian, elkarri eskua emanda, lorategi osoari buelta eman genion, Via Catalana deialdiarekin distantzian bat eginez, bideo eder honetan ikusten den moduan. Giza-kateaz gain, bertsoak, cava eta Kafe Antzokian kantaldia izan genituen katalan lagunekin.