Go to Top

Assemblea EH-ren aurkezpena eta giza V erraldoia asteartean Bilbon

Kataluniako Assemblea Nacional Catalana erakundeak bere Euskal Herriko biltzarra aurkeztuko du irailaren 9an 20:00etan Bilboko Kafe Antzokian egingo duen ekitaldian. Aurretik, 18:30ean, Assemblea-k mundu osoko hainbat hiritan deitutako #votecatalonia deialdiari erantzunez, pertsonez osatutako V erraldoia irudikatzeko kontzentrazioa egingo da Done Bikendi kalean, Kafe Antzoki parean.

assemblea-eh-logo

Azaroaren 9an Kataluniak bere etorkizuna erabakitzeko herri-galdeketa egingo du, Espainiako gobernuak galdeketa eragotziko duela esan duen arren. Irailaren 11n, Diada egunez, milaka lagun daude deituta Bartzelonako kaleetan, Corts eta Diagonal etorbideen artean V erraldoia irudikatzeko. Ekimen hau ANCk antolatutako hirugarren deialdi handia izango da, Iaz bi milioi lagun bildu ziren “Via Catalana” ekimenean, 400 kilometroko giza-kate erraldoia eginez.

Bilbon ere izan zuen bere isla iazko deialdiak, Diada egunean Albia lorategietan osatutako giza katearekin. Aurten munduko hainbat hiritan daude deituta mobilizazioak, eta Bilbon 18:30ean osatuko du ANCk bere V erraldoia Done Bikendi kalean. Ondoren, 20:00etan Euskal Herriko taldea aurkezteko baliatuko dute deialdia bertoko ANCko kideek.

Astearteko aurkezpen ekitaldian, bertoko ANCko kideez gain, Assembleako lehendakariorde Jaume Marfanyk hitz egingo du eta Gorka Kn√∂rrek ere parte hartuko du, besteak beste L’estaca abestuz.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude