Go to Top
Zenbat Gara

Zenbat Gara

Zenbat Garak antolatutakoak eta era batean edo bestean esku hartzen dugun ekimenak

Apolo lagunari omenaldia ostegunean Kafe Antzokian

By Zenbat Gara
2015/07/07
0 Comments

Jabier Lauzurika Uriguen, Apolo,  larunbatean joan zitzaigun, bat-batean. Zenbat Gara elkartearen sorreran eta ibilbidean rol garrantzitsua izan zuen Apolok, elkartearen ekimen eta arlo askotan, eta gu guztiongan hutsune ordezkaezina utziko du bere ausentziak. Ostegunean, hilaren 9an, egingo dugu Apolo omentzeko ekitaldia Kafe Antzokian, 20:00etan. Gehiago honi buruz: Jabi Lauzurika, “Apolo” joan zaigu (Bilbo Hiria irratia) Apolo gogoan, saio berezia (Bilbo Hiria irratia)

Xamarrek Zaldiko Maldiko elkartearen “Lamien Urrezko Orrazia” saria jaso du

By Zenbat Gara
2015/06/22
0 Comments

Urtero Iruñeko euskaldunen biltoki den Zaldiko Maldiko elkarteak banatzen duen  Lamien Urrezko Orrazia saria gure lagun eta lankide den Juan Carlos Etxegoien “Xamar” idazle eta irakasleak jaso du, euskararen aldeko lanean nabarmentzeagatik. Elkarteko kide guztien artean erabakita, pertsona edo talde baten lana omentzen du urtero Iruñeko talde euskaltzaleak aipamen honen bidez. Ostiral arrastian, umore eta giro onean egin zen ekitaldian, Zaldiko Maldiko elkartearen egoitzan ospatu zen sari banaketa. Bazkideen txalo artean …Read More

“Dena ez da futbola” film laburraren grabaketa hasi da

By Zenbat Gara
2015/06/16
0 Comments

Zenbat Gara elkartearen ekimena den Kurkuluxetan elkarteak film labur berri bat ekoitziko du datozen hiletan. Orain dela urtebete, giza balioei buruzko “Keinuka mugaz gaindi – Un guiño, un sueño” euskal-kubatar ekoizpena aurkeztu zuen Euskal Herrian eta baita munduko beste hainbat tokitan ere (Kuba, Belgika, Kolonbia, Venezuela…), eta egundoko arrakasta lortu zuen. Oraingoan Venezuelako Coro herria eta Bizkaiko Igorre lotuko ditu Kurkuluxetan elkarteak.

“Kobaneko erbesteratzea” filmaren estreinaldia asteartean Kafe Antzokian

By Zenbat Gara
2015/06/15
0 Comments

Kobane hiriaren setioak eragindako egoera jasotzen duen “Kobaneko erbesteratzea” dokumentalaren estreinako proiekzioa egingo du gurean Azad Kanjo zinemagile kurdu-katalanak. Asteartean 19:00etan Alan Azad Kanjok bertan bizi izandakoa lehen pertsonan kontatuko digu dokumental honen bitartez, eta baita emanaldiaren ondoren ere, Urtzi Urrutikoetxea kazetariak lagunduta. Honela dio filmaren sinopsiak: “2014ko irailaren 19an, Estatu Islamikoak bi hilabete zirauen setioa estutu zuelarik, Siria Iparraldeko Rojava eskualdeko Kobane hiriko biztanle kurduek trumilka ihes egin behar …Read More

Eskolatik Oholtzara ekimenaren bigarren saioa gaur

By Zenbat Gara
2015/05/20
0 Comments

Bizkaiko Bertsozale elkarteak eta Zenbat Gara elkarteak elkarlanean antolatu duten proiektu berria da “Eskolatik Oholtzara”. Saio bi izango ditu 2014-2015 ikasturtean, eta gaur 17:30ean izango da bigarren saioa. Garcia Rivero ikastetxea, Kirikiño ikastola eta Deustuko ikastolako haurrak arituko dira. Iragan astean oso saio arrakastatsua suertatu zen lehenengoa, Karmelo ikastolako eta Urretxindorra ikastolako ikasleek hartu zuten parte, giro bikainean, 300 lagunen aurrean kantuan eta bertsotan. Lehenengo saioaren kronika osoa aurkituko duzu …Read More

Gaur hasita, 550 haur antzezle arituko dira Bilboko XV. Haur Antzerki topaketetan

By Zenbat Gara
2015/05/04
0 Comments

Gaur hasiko dira Bilboko Kafe Antzokian XV. Haur Antzerki topaketak.  Kurkuluxetan arte eszenikoen eskolak antolatuta, guztira bederatzi saio izango dira, maiatzaren 4, 6, 11, 12, 18, 19, 25, 26 eta 27an eta, guztira 18 antzezpen taularatuta, Bizkaiko hainbat ikastetxe eta ikastolak parte hartuko dute saio horietan. Guztira 550 haur antzezle igaroko dira topaketa hauetatik, Bizkaian egiten diren era honetako jardunaldirik handienak baitira hauek, eta antzezlan gehienak jatorrizkoak izango dira, topaketetarako …Read More

“Gizartea eta artea haur eta gazte literaturan” liburua aurkeztu du Erroak

By Zenbat Gara
2015/04/28
0 Comments

Gizartea eta artea haur eta gazte literaturan liburua aurkeztu du gaur Erroa argitaletxeak. Artikulu bilduma da liburu hau, iaz Euskal Herriko Unibertsitatearen Bilboko Irakasleen Unibertsitate Eskolako azken kurtsoan ibilitako zazpi ikaslek idatzitako zazpi azterlanena, eta euren bikaintasunagatik aukeratu ditu edizioa koordinatu duen Jon Kortazar literatura irakasleak. Bilboko Kafe Antzokian egindako prentsaurrekoan Erroa argitaletxeko editore Xabier Monasteriok azaldu duenez, haur eta gazte literaturan eragina duten gaiak dira artikuluotan aztertutakoak, eta bi …Read More

Sant Jordi egunez, Kataluniako letrak eta musika gurean

By Zenbat Gara
2015/04/22
0 Comments

Bilbon diren bi katalan talde bildu dira bihar, Sant Jordi eguna dela bide, Kataluniako letrak eta musika gurera ekartzeko. Casal Bilbao eta Jaia eta Xerinola taldeek atzo aurkeztu zuten Kafe Antzokian biharko prestatu duten egitaraua. Zenbat Gararen laguntza izan dute egitaraua prestatzeko eta aurkezteko. Liburuak eguneko protagonista izanik, Albia inguruan izango den liburu-azokan izango duten erakustokian kataluniako liburuak izango dituzte salgai. Gainera, aste osoan, “Katalan literaturaren hamabi liburu nagusi” erakusketa …Read More