Pedro Mari Otañoren figura ahanzturatik atera eta euskaldunon memoria kolektiboan merezi duen lekua nabarmentzeko helburua du Ombuaren Itzala filmaren proiektuak. Finantzazio maila bat lortu behar du, hala ere, proiektuak, gauzatuko bada. Horregatik EGUZKI ART ZINEMA etxeak proiektuaren aurkezpen saioak antolatu ditu, herriz herri, Patxi Bisquert aktorearen eskutik.
Zenbat Gara elkarteak, ekimenarekin bat eginda, bertso-saioa antolatu zuen atzo Kafe Antzokian. Bertan, Maialen Lujanbio, Andoni Egaña, Miren Amuriza eta Unai Iturriaga aritu ziren bertsotan. Saioa entzuteko aukerarik izan ez bazenuen, haren inguruko jakingarri gehiago laster Bilbo Hiria irratiko Potto saioan.
Utzi erantzuna