Go to Top
Zenbat Gara

Euskalgintza

Euskarak 365 egun ekimena aurkeztu du Topaguneak

By Zenbat Gara
2013/11/29
0 Comments

Euskaltzaleen Topaguneak atzo aurkeztu zuen Euskarak 365 Egun ekimena, herriz herri ekitaldi ugari bilduko dituen ekimen zabala. Abenduaren 3an ospatzen den Euskararen Nazioarteko Egunaren bueltan antolatutako ekimena Topagunean biltzen diren herri eta eskualdetako 36 euskaltzale elkartek antolatu dutela azaldu zuen Jasone Mendizabal Topaguneko zuzendariak atzo goizean Kafe Antzokian egindako aurkezpenean, besteak beste Topaguneko kide den Zenbat Gara elkartea. “Euskarak 365 Egun” ekimenaren bidez euskaltzaleei plazara ateratzeko deia egin nahi izan …Read More

Norentzat sortzen du poetak? (Gabrielen Lekuaz)

By Zenbat Gara
2013/11/08
0 Comments

Sentikariek, bertsolariek legez, erraz asko egin dezakete poto, onanismoa praktikatzen duenak berak soilik gozatzen duelako.  Zorionekoak gu, hortaz, Gabriel Arestiren omenez, edo haren izenean, sortu den lanak errima dotore askoa lortu duelako. Zazpi lagun izan dira taula gainean, eta, sormenaren teoriak dioen legez, nahasteak ekarri du berrikuntza. Olerkia, irudia, musika, bertsoa eta antzerkia oratu eta, denek bat eginda, Gabriel Arestiren, baina ez bakarrik haren, artearen goraipamen sutsua oholtzaratu dute, sabeletik, …Read More

Gabrielen LEKUA sentikariaren estreinaldia urriaren 29an

By Zenbat Gara
2013/10/22
0 Comments

Datorren asteko asteartean, urriaren 29an, estreinatuko da Arriaga antzokian Gabrielen Lekua sentikari edo ikuskizuna. Hainbat artistaren azken hilabeteotako lanaren emaitza den ikuskizun anitz hau ikusi ahal izango dugu goizeko 11:00etan eta arratsaldeko 19:30ean. Sarrerak eros daitezke daborduko Interneten, Arriagako txarteldegian eta Zenbat Gara elkartearen bulegoan (Done Bikendi 2, 4. solairuan), bulego ordutegian. Ekainean aurkeztu genuen Gabriel Aresti kultura elkarteak ekoitzitako ikuskizuna dugu Gabrielen Lekua. Estreinaldiaren eta sentikariaren inguruko informazio guztia …Read More

Zenbatgarakideak EKTn

By Zenbat Gara
2013/06/21
0 Comments

Euskara-munduaren kulturgintza biziberritzeko kezkari erantzunez, 2007-08 ikasturtean eman zioten hasiera Euskal Kulturgintzaren Transmisioa (EKT) gradu-ondokoari Mondragon Unibertsitateko Humanitate eta Hezkuntza Zientzien Fakultatean. Sorguneak ikertegiko kideek osatzen dute EKTren batzorde pedagogikoa (Julen Arexolaleiba, Iñaki Urruzola, Nekane Goikoetxea, Andoni Eizagirre, Jon Sarasua eta Lorea Agirre), eta euren gidaritzapean, aurten 24 ikaslek hartu dute parte gradu-ondokoaren 4.edizioan. Aretxabaletan kokatuta dagoen fakultateko eraikin berrian, eta urritik ekaina bitartean, hainbat izan dira gelatik igarotako euskal …Read More

Gabrielen LEKUA ikuskizunari buruz

By Zenbat Gara
2013/06/14
1 Comment

Asteazkenean aurkeztu genuen jendaurrean Gabriel Aresti kultura elkartea, eta berarekin batera, urritik aurrera taularatuko den Gabrielen Lekua sentikaria ere aurreratu genuen. Bada, aurkezpenaren kronikan azaldu denaz gain, hemen dituzue ikuskizun honen inguruko informazio gehiago: Gabriel Arestiren pertsona eta bere lana eguneratzea du helburuz sentikari honek. Belaunaldi batzuentzat gogora ekartzea izango da; beste batzuentzat deskubrimendua. Arestiren lekuak hartu ditugu horretarako ardatz. Bilbo, Baiona, Arantzazu, Atzerria, Ea… euskal literatura, euskal kultura… Eta …Read More

Berriak 10 urte, berrialagunen bazkaria Kafe Antzokian

By Zenbat Gara
2013/04/23
0 Comments

Hurrenez hurren, Berria egunkariak 10 urte eta Hor Dago! Abante konpartsak 20 urte betetzen dituztela ospatzeko bazkari-jaia antolatu dute datorren larunbatean (apirilak 27) Bilboko Kafe antzokian eta Bilbo aldeko Berrialagun guztiak bertan esku hartzera gonbidatu gaituzte. Bazkaria Kafe Antzokian, 14:00etan izango da eta txartelak (18€) salgai daude Kafe Antzokian, Café Bilbaon, Morga tabernan eta Interneten. BERRIA egunkariak hamar urte egingo ditu eta ospatu egin nahi du. Ospatu nahi du bertako …Read More

Joxan Lizarribar joan zaigu

By Zenbat Gara
2013/04/16
0 Comments

Iragan asteartean jakin genuen Joxan Lizarribar lagunaren heriotzaren berri tamalgarria. Euskaltzale nekaezina genuen Joxan, Zenbat Gararen laguna eta Berria egunkariko administrazio kontseiluko lehendakaria. Juan Antonio Urbeltzen eskutik gazterik sartu zen euskal dantzen munduan, Argia dantza taldean parte hartuz, eta gerora, enpresa munduan ibili zen arren, ez zuen inoiz albo batera utzi euskal kulturaren aldeko lana. Lizarribarri buruz asko idatzi da egunotan, bere hainbat alderdi nabarmenduz. Guk lerrotara ekarriko dugu Aritz …Read More

Durangaldea nagusi Bertsolari Gazteen XXI. BBK Sariketan

By Zenbat Gara
2013/03/26
0 Comments

Martxoaren 22an, ostiralarekin, Bilboko Kafe Antzokian ospatu zen Bertsolari Gazteen XXI. BBK Sariketaren finala. Urtero antolatzen den txapelketa da, Bizkaiko bertsolari gazteak eskualdeka biltzen dituena. Aurten zazpi taldek eman dute izena: Enkarterri, Arratia, Durangaldea, Bilboaldea, Busturialdea, Ipar Uribe eta Lea Artibai. Eta hiru sailkatze-saio eta finalaurreko bi jokatuta, finalean Durangaldea eta Ipar Uribe aritu ziren buruz buru; talde bakoitzak seina bertsolari taularatu zituen, adin-maila bitan banatuta: 18 urte artekoak; eta …Read More

Korrika Bilbon, martxoaren 21ean arratsaldez

By Zenbat Gara
2013/03/19
0 Comments

Euskararen aldeko lasterketa Bilbora helduko da ostegun arratsaldean. Erandiotik igaro ostean San Inaziora helduko da 17:30ean eta 21:30 pasatxo Abusutik irtengo da, Etxebarrira. Tartean, auzorik auzo ibiliko da lau orduz Korrika 18 gure botxoko kaleetan barna. Zenbat Garako kideok euskalgintzaren kilometroan hartuko dugu parte 19:40 inguruan, plaza biribiletik eliptikora doan zatian, hain zuzen ere (19:30ean geratu gara plaza biribileko Euskadiko Kutxa parean). Lehenago, Bilboko euskaltegiotako ikasle talde batek korrika egingo …Read More

Topaguneak kongresua ospatuko du larunbatean

By Zenbat Gara
2012/11/14
0 Comments

“Federaziotik Mugimendura” izenburuko gogoeta prozesua burutuko du datorren larunbatean, azaroaren 17an, Bilboko euskalduna Jauregian, Zenbat Gara elkartea eta beste hainbat euskara elkarte kide dituen Topagunea Euskara Elkarteen Federazioak. Larunbateko saioarekin amaituko dute mugimendua osatzen duten ia 100 elkarteek 2010 urtean hasitako hausnarketa sakona. Bilkura osteko bazkaria eta bazkalosteko ekitaldiak Kafe Antzokian izango dira.