Go to Top
Zenbat Gara

Blog Archives

Apirilean hainbat ekitaldi Zenbat Gararen eskutik

By Zenbat Gara
2013/04/01
1 Comment

Apirilean kultura ekitaldi ugari antolatuko ditu Zenbat Gara elkarteak Bilboko Kafe Antzokian: hitzaldiak, ibilbide gidatuak, proiekzioak, ikastaroak eta musika topaketak izango ditugu, ohiko kontzertuez eta bestelako ekitaldiez gain. Publiko orokorrarentzat ezezik, euskara ikasleentzako bereziki mintzamen egutegi interesgarria osatu dugu ekitaldion bidez. Zenbat Gara elkarteak antolatutako hitzaldietan, alde batetik Josu Larrinaga EHUko Irakaslea ekologiaz mintzatuko zaigu apirilaren 10ean. Bestetik, Joseba Barandiaran ekonomilaria hilaren 17an izango dugu, “Zer aldatu da, ekonomia ala …Read More

Durangaldea nagusi Bertsolari Gazteen XXI. BBK Sariketan

By Zenbat Gara
2013/03/26
0 Comments

Martxoaren 22an, ostiralarekin, Bilboko Kafe Antzokian ospatu zen Bertsolari Gazteen XXI. BBK Sariketaren finala. Urtero antolatzen den txapelketa da, Bizkaiko bertsolari gazteak eskualdeka biltzen dituena. Aurten zazpi taldek eman dute izena: Enkarterri, Arratia, Durangaldea, Bilboaldea, Busturialdea, Ipar Uribe eta Lea Artibai. Eta hiru sailkatze-saio eta finalaurreko bi jokatuta, finalean Durangaldea eta Ipar Uribe aritu ziren buruz buru; talde bakoitzak seina bertsolari taularatu zituen, adin-maila bitan banatuta: 18 urte artekoak; eta …Read More

Kurdistanetik Azad Kanjo eta Urtzi Urrutikoetxea #Newroz

By Zenbat Gara
2013/03/20
1 Comment

Bihar martxoak 21, osteguna, Kafe Antzokian Newroz eguna ospatuko dugu 20:30ean, Urtzi Urrutxikoetxea euskal kazetariarekin eta Azad Kanjo idazle eta zinemagile kurduarrarekin. OHARRA: Korrika 19:30ean Kale Nagusitik igarotzekoa denez, hasieran 20:00etarako aurreikusita zegoen ekitaldia 20:30era atzeratzea erabaki dugu. Aprobetxatuko dugu gure lagun kurduekin euskalgintzaren kilometroa egiteko eta ondoren Kafe Antzokira etortzeko. Newroz eguna ospatuko dute bihar mundu osoko kurduek, egun nazionaltzat hartuta baitute jatorriz ekinokzioa eta udaberriaren etorrera ospatzen duen …Read More

Hiromi Yoshida euskara irakasle japoniar-azpeitiarra gurean

By Zenbat Gara
2013/03/19
0 Comments

Larunbatean Hiromi Yoshida izango dugu Kafe Antzokian hizlari. Aurrez iragarrita ez zegoen hitzordua lotu dugu egunotan, eta denontzat interesgarria izango dela uste dugu, euskara ikasten ari direnentzat bereziki, Hiromik Japoniako rakugo ipuinen berri emango digu eta bi rakugo kontatu-antzeztuko dizkigu. Martxoren 23an, beraz, (larunbata) 12:00etan Kafe Antzokiko 1. solairuan izango dugu Hiromi Yoshida. HIROMI Yoshidari (Yuzawa, Akita, 1960) euskararekiko interesa linguistikatik datorkio. Oso originala dela iruditzen zaio, ez baitu parienterik, …Read More

Korrika Bilbon, martxoaren 21ean arratsaldez

By Zenbat Gara
2013/03/19
0 Comments

Euskararen aldeko lasterketa Bilbora helduko da ostegun arratsaldean. Erandiotik igaro ostean San Inaziora helduko da 17:30ean eta 21:30 pasatxo Abusutik irtengo da, Etxebarrira. Tartean, auzorik auzo ibiliko da lau orduz Korrika 18 gure botxoko kaleetan barna. Zenbat Garako kideok euskalgintzaren kilometroan hartuko dugu parte 19:40 inguruan, plaza biribiletik eliptikora doan zatian, hain zuzen ere (19:30ean geratu gara plaza biribileko Euskadiko Kutxa parean). Lehenago, Bilboko euskaltegiotako ikasle talde batek korrika egingo …Read More

“Euskal Herriari Iparraldetik begira”, Luzien Etxezaharretarekin

By Zenbat Gara
2013/03/18
0 Comments

Luzien Etxezaharreta lapurtar kazetari eta idazlea gurean izango dugu martxoaren 20an (asteazkena), eguerdian, Euskal Herriari Iparraldetik begira gaia jorratzen, Zenbat Gara elkarteak antolatutako hitzaldian. Maiatz aldizkariaren eta argitaletxearen bultzatzailea, euskal kazeta eta irratietan lanean jardundakoa dugu, beti Ipar Euskal Herriko kokapenetik eta bertako ikuspegia ondo ezagututa. Bere ikuspuntu biografiko eta pertsonaletik azalduko digu Etxezaharretak Euskal Herria nola ikusi eta bizi izan duen, bere hitzetan: “Nola begiratzen den, hala ikusten da. …Read More

Bueltan da Potto, bertsolaritza ardatz duen irratsaioa Bilbo Hirian

By Zenbat Gara
2013/03/06
0 Comments

Bertsoaren munduak Bilbon ere bere lekua duelako, FM-ko 96.00 dialean, Bilbo Hiria Irratia bertsolaritza-bozgorailu bihurtuko dute Erlantz Ibargurengoitia eta Agurtzane Rementeria bertsozaleek,  soinu-teknikari lanetan ariko den Josu Zabalaren laguntzarekin. Asteroko saioan, uhinetan eta sareko bit-etan barna hedatuko dira aurreko egunetan-edo izandako bertso-ale hautatuak, buru-belarrien gozagarri. Halaber, ordu beteko iraupena duen programan, bertsoaren mundu magikoak utzitako notiziarik garrantzitsuenak helaraziko dituzte, astebururako agenda-proposamena…  Erdu geugaz!

Martxoko mintzamenerako agendan doako hainbat ekitaldi

By Zenbat Gara
2013/03/05
0 Comments

Zenbat Gara elkarteak mintzamena lantzeko hainbat aukera eskaintzen ditu martxoan, hilabete laburra izan arren (Aste Santuan ez dago ekitaldirik). Ekitaldi asko izango dira gurean euskaraz jarduteko, ikasitakoa lantzen eta hobeto gogoratzen lagunduko digutenak. Publiko orokorrak eta euskaltegiko ikasleek doan izango dute horietako gehienetara sarbidea. Hona hemen martxoko mintzamenerako agenda:

“Cloe Bihotz-bihotzez” jai arrakastatsua atzo

By Zenbat Gara
2013/03/04
0 Comments

Atzokoan oso elkartasun ekitaldi berezia izan genuen Kafe Antzokian, Cloe bihotz-bihotzez izenburupean. Atxuriko eskolako gurasoek antolatu duten eta Kafe Antzokiko Kurkuluxetan  arte eszenikoen eskolaren laguntza izan duen ekimen honen helburua Cloe izeneko neskaren familiari babes ekonomia eta emozionala eman ahal izatea zen eta esan daiteke arrakastaz bete zirela helburu biak. Gregorio Marañon ospitalean bakarrik transplanteak egiten direla eta, antolatzaileek Bilbo Hiria irratian azaldu dutenez, Cloeren amak bere lana utzi behar …Read More

Bertso topaketa Jon Sarasua eta Andoni Egañarekin

By Zenbat Gara
2013/03/01
0 Comments

Jon Sarasua eta Andoni Egaña izango dira gure gonbidatu bereziak larunbat honetako eguerdian Zenbat Gara elkarteak antolatu duen bertso topaketan. Ez da bertso-bazkari klasikoa izango, baina bertsoak eta sorpresak ez dira faltako. Aparteko hitzordua, beraz, eguerdiko 13:00etatik aurrera, Kafe Antzokian.  Sarrera 25 euroan gure bulegoan (Done Bikendi, 2. 4.solairua 48001 Bilbo. Telefonoa: 94 423 7591).